سفينه الاصدقاء
عزيزى الزائر مرحبا بك انت لم تقم بتسجيل دخولك ان لم يكن لديك حساب رجاء سرعه التسجيل

ازاى تعكنن على مراتك هههههههههه

اذهب الى الأسفل

ازاى تعكنن على مراتك هههههههههه

مُساهمة  Rose dream في الإثنين يونيو 15, 2009 2:45 pm

ازاى تعكنن على مراتك هههههههههه
الصبح وانت رايح على شغلك وهى نايمة تعمد اسقاط اى شيئ او
ترجع تنام خبط الباب بصوت عالى علشان تصحيها هى كمان 00 اشمعنى انت ؟ ولو حاولت
تانى قول لها مادام صحيتى حضري الفطار بقى



اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك
كوبيات و 5 حلل من اللى عندكم فى المطبخ و 10 لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

زينلها تورتة عيد ميلادها بخمسين شمعة ولو سألتك لية رغم ان فى عيد ميلادها
عندها 25 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على
السوبر ماركت ومحلات الحلويات واملى التلاجة شكولاتة وحلويات وجاتوهات 00
يرعى التجول وانت مستمتع بأكل الجاتوة امامها
متنساش رأيك فى طبيخها لو عاملة لحم
اية يا حبيبتى ؟؟ قول لها حلو اوووى الفراخ دى 00
ولو طبخة بامية 00 جميلة اوى الملوخية دى حطة عليها ولو عملة كيكة قالها انا بحب اشرب شاى مع البسكويت الحلو دة
!!


لو الزوجة قررت مسح الارضيات فى البيت حاول انك تروح وتيجى
على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال مانع انك تقول انك حاسس ان التليفون هيرن كمان شوية


لو كانت مشغولة فى نظافة البيت او مع الاولاد وطلبت منك تغسل كوبتين

كوبية من الاتنين وهى الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك مكسورة واسألها فى براءة ارمى دى فين ؟؟

وانت
قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى
!!

لو مراتك طلبت منك انك تساعدها فى نشر الهدوم على الحبل بعد الغسيل وقع كل هدومها فى الشارع بحجة انك

مش بتعرف تشر ومتناسش توقع معاهم فردة شراب من بتوعك علشان متبقاش باينة قوى


او لما تقعد معاها حاول كل شوية تديها امل عن المساواة وازاى ان الراجل بيساعد مراته هاتقولك ووشها كله مبتسم من الودن للودن ازاى ياحبيبى
قول ليها ان الحياة كلها تعاو بين الراجل والست يعن الست تطبخ والراجل ياكل الست تكنس والراجل يزروط الست تمسح والراجل يرفع رجلية من على الارض علشان تمسح مكانه

كده يعنى
وكمان خد عندك دى

لما ترجع البيت من الشغل وانت راجع المفروض قرفان ارجع ماسك وردة وحاول تبقى هيمان قوى وانت بتكمها وياريت لو غلطت في اسمها وقلت اى اسم تان

ملحوظة :
انا جايه اهدى النفوس و احذر كل زوجة من هذه التصرفات المتعمده من الزوج علشان يعكنن عليها Razz

_________________
avatar
Rose dream

عدد المساهمات : 343
تاريخ التسجيل : 29/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

العنوان الصح يبقا كيف تشل زوجتك

مُساهمة  nono في الأربعاء يونيو 17, 2009 3:04 pm

كل دا جميل بس مينساش يتفق مع اقرب مستشفى ويحجز غرفه العمليات لاى طوارىء ايه النصايح اللى اخرها شاش وقطن دى هههههههههههه

_________________

سفينه الاصدقاء
avatar
nono

عدد المساهمات : 318
تاريخ التسجيل : 29/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى