سفينه الاصدقاء
عزيزى الزائر مرحبا بك انت لم تقم بتسجيل دخولك ان لم يكن لديك حساب رجاء سرعه التسجيل

كيف تتكلم مع الناس؟؟, - يستاهل أنك تقرأه

استعرض الموضوع السابق استعرض الموضوع التالي اذهب الى الأسفل

كيف تتكلم مع الناس؟؟, - يستاهل أنك تقرأه

مُساهمة  البحار في الثلاثاء يناير 13, 2009 4:44 pm

عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟
لاقيت مرة واحد مابتحبش تتكلم معاه خالص؟؟ كده لله في لله؟؟
هل مرة لاقيت إنك مش عارف تبيع سلعتك للزبون بتاعك رغم إنك حاولت بكل
إخلاص؟
أكيد أيوه.. مش كده؟
طيب.. هنتكلم النهارده عن حاجة من الحاجات اللي هتفيدك في التواصل مع
الناس بصورة أفضل.. والحاجة دي اسمها (التحدث بإيجابية)..
في البداية عايز أوضح لك حاجة مهمة جدا عن عقلنا اللاواعي..

هنعرفها من المثال الصغير ده:

هاقول لك جملتين عايزك تركز فيهم قوي وتنفذ اللي فيهم:
ماتفكرش في وردة حمراء!!
ها ها ها.. ينفع؟ طيب خد دي كده:
ماتتخيلش سيارة سوداء!!
ها؟ خدت بالك من اللي حصل ده؟؟ أكيد أكيد فكرت لا إراديا في الوردة
الحمراء وفي السيارة السوداء كمان..

إيه اللي حصل ده؟
اللي حصل يا جماعة إن العقل اللاواعي بتاعنا مابيسمعش الكلام قوي..
ببساطة بياخد الجملة ويقعد يفكر فيها كلمة كلمة عشان يقدر يستوعبها..
فعشان تفهم الجملتين اللي فاتوا كان لازم العقل اللاواعي بتاعك يتخيل
الوردة والسيارة السوداء!

يعني إيه؟؟ يعني لو عايز أأثر على العقل اللاواعي للشخص اللي باتكلم
معاه, ومش عايزه يفكر في وردة حمراء.. يبقى لازم الجملة مايبقاش فيها
وردة حمراء.. صح كده؟؟
طبعا المسألة مش مسألة وردة حمراء وسيارة سوداء..
عشان تفهم قصدي اقرا الأمثلة دي:

البائع: الأسعار بتاعتنا مش غالية.. احنا مش حرامية ونصابين!
الجملة دي غلط تماما وهتأثر في اللاشعور بتاع الزبون.. هيلاقي نفسه
ببساطة (مش مستريح) للصفقة دي, ومش لازم يكون عارف ليه.. لكن احنا
عارفين طبعا..
جملة (مش غالية) دي هيركز اللاشعور على كلمة (غالية) لا إراديا..
والجملة التانية (احنا مش حرامية ونصابين) هيفهم منها إنهم (حرامية
ونصابين)!
يبقى المفروض البائع يقول مثلا: أسعارنا مناسبة جدا.. احنا يهمنا ثقة
العملاء!

نفهم من كده إيه؟؟
نفهم إن إنت لو عايز تأثر في اللي قدامك بحاجة, يبقى لازم تستخدم
الكلمات الإيجابية المناسبة اللي تخلق جو من الراحة في نفسه.. زي
(رائعة) و(ثقة) في المثال اللي فات... واهرب من الكلمات السلبية زي
(غالية) و(حرامية ونصابين) حتى لو نفيتها.. زي ما عرفنا مع بعض..

الطبيب: ماتخافش.. الحقنة مش بتوجع خالص.
هه.. إيه رأيك في المثال ده؟؟
يلاّ مع بعض نطلع الكلمات السلبية:
أول كلمة سلبية هي: (ماتخافش).. دي هتخليه يخاف أصلا لأننا ذكرنا
الخوف..
ثاني كلمة سلبية هي: (مش بتوجع).. دي هتخليه يتخيل الألم والوجع..
يبقى المفروض يقولها ازاي؟؟
الطبيب: اطمئن.. هتحس براحة بعد ثواني! (ملاحظ إننا ماذكرناش كلمة
"حقنة" أصلا؟)

البنت لخطيبها: ماتقلقش يا حبيبي.. عمري ما هاخونك أو أكرهك!!!

طبعا كلنا حسينا بصدمة من الكلام ده.. لكن احنا عرفنا ليه.. عشان
الكلمات السلبية زي: ماتقلقش- هاخونك – أكرهك!!!

المفروض الجملة دي تتقال كده:
البنت لخطيبها: اطمئن يا حبيبي.. أنا مخلصة لحبنا وهافضل أحبك على
طول!!
شايف الجمال اللي في المعنى؟؟ مع إننا ممكن نلاحظ ببساطة إن الجملتين
لهم نفس المعنى...
نستفيد من الكلام ده إيه بقى؟؟

نخش على الحكمة بتاعة التهاردة:

مهم جدا معنى الكلام الذي نقوله.. والأهم هو: كيف نقول هذا المعنى..
استخدم كلمات إيجابية دائما في حياتك.. ولاحظ الفرق الذي سيحدث في
علاقاتك مع الناس..
واعرف الحقيقة دي.. الناس اللي بيستخدموا كلمات سلبية كتير في كلامهم,
الناس بتبتعد عنهم ومش بتحب تتكلم معاهم.. افتكر حد مش بتحب تتكلم
معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير
الإحباط؟؟ ركز في كلامه هتلاقي الكلمات اللي قلنا عليها.. الكلمات
(السلبية)..

على عكس الناس اللي الناس بتحب تتكلم معاهم.. فكر في واحد بتحب تتكلم
معاه وبتستمتع بكده.. مبتسم؟ متفائل؟ بيهون على الناس اللي حواليه
مشاكل الحياة؟ ركز في كلامه هتلاقي الكلمات اللي بنقول عليها: الكلمات
(الإيجابية)..
قبل ما نختم بقى تعالوا نلعب لعبة:

اختار الجمل والكلمات الإيجابية اللي توصل المعنى بصورة صحيحة, وحط
قدامها علامه (صح).

أنا مش عبيط.. أنا فاهم كل حاجة صح غلط

خليك ذكي وركز معايا.. صح غلط

الجو النهارده كويس.. صح غلط

يا باشا البضاعة بتاعتي مش بتعفن بسرعة! صح غلط

ماتقلقش.. الموضوع بسيط! صح غلط

هابطل السجاير,
واكون إنسان جديد! صح غلط

البارفان ده ريحته مش وحشة خالص.. بالعكس! صح غلط

ماتفتكرش إن صحتي راحت.. أنا زي الفل! صح غلط

مش هاخذلك يا معلم! صح غلط

أنا إرادتي قوية جدا.. ثق في كده! صح غلط

ماتبقاش غبي
يا بني.. فتح مخك معايا! صح غلط

أحبك! صح غلط

طبعا حليت الواجب كله لوحدي.. إنت فاكرني باكدب؟ صح غلط


كفاية كده؟؟
حلها بقى بروقان واعرف إنت بقيت متحدث إيجابي ولا لأ.. مرن نفسك من
النهارده على إن كلامك يكون إيجابي.. ولاحظ الفرق اللي هيحصل في
حياتك...
ماشي يا جماعة.. حط بقى مرادفات (إيجابية) للجمل (السلبية) اللي فاتت
لو حبيت.... وورينا شطارتك يا بطل..

ولا تنسوني بالدعاء

_________________
« إذا لم يكن لديك شيئاً تعطيه للآخرين ،
فتصدّق بالكلمة الطيبة ، والابتسامة الصادقة ،
وخالق الناس بخلق حسنّّّّ[url]
avatar
البحار

عدد المساهمات : 228
تاريخ التسجيل : 29/11/2008
العمر : 42

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كيف تتكلم مع الناس؟؟, - يستاهل أنك تقرأه

مُساهمة  Allb في الثلاثاء يناير 13, 2009 5:27 pm

عزيزي بحار موضوع اكثر من رائع

خصوصا ان الكثير من الناس بفتقد لهذه المهارات ومنهم من يعانون من الرهاب الاجتماعي الذي يعاني منه الكثير ومخاطبه الجمهور
انا شخصيا مر عليه مواقف زي كده كتير في بدايه حياتي لما بدات حياتي المهنيه
وكنت بحس بتوتر كتير واحس ان اغلب الافكار بتهرب مني والكلام كله بيضيع خوفا من ان افشل
ولكني تعلمت الكثير بالاختلاط والتعامل مع الناس والحمدلله
تسلم عزيزي بحار بارك الله فيك
تسلم ايديك علي النصائح الغاليه
تقبل مروري دمت بكل خير


_________________
أشهد أن لا إله إلا الله وحده لاشريك له
له الأسماء الحسنى يسبح له مافي السموات ومافي الأرض
أشهد أن لا إله إلا الله شهادة أرجو أن يطلق الله بها لساني عند خروج نفسي حتى تتوفاني وقد ختم بخير عملي
~
~
آمين يارب العالمين

avatar
Allb

عدد المساهمات : 705
تاريخ التسجيل : 30/11/2008
العمر : 36

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى